• 定慧寺骨灰龕面臨清拆 苦主:689多餘
  • 2016-01-18    

 

定慧寺呢單佛門醜聞仲有餘波,事緣地政署要求二月拆除寺內違規骨灰龕場,上星期六,過百個苦主喺大埔開會,睇嚟佢哋都好徬徨,有一位男士大叫:「臨急臨忙點搵到位,唔通我捧住個骨灰龕返屋企?」全場起哄。

《壹》仔同一位陳婆婆傾偈,佢話零五年以六萬七千元買入兩個骨灰龕位,一個已安葬老公的骨灰,另一個就留待自己過身後與老伴合葬,而家無啦啦冇咗龕位,佢都一把年紀覺得死無葬身之所,佢好唔開心。另一位苦主周先生,自稱喺政府退休,佢有親人喺定慧寺安放骨灰龕,佢嬲爆爆問689有冇聽到苦主訴求,搞一帶一路都多餘!睇怕香港人要自求多福,一出世要贏在起跑線上,死後又要爭位安葬,真係弊!