• 楊岳橋真含淚 :選舉係一時 做人係一世
  • 2016-02-21     0

 

楊岳橋在今晚造勢大會中,拉著紅布壓軸出場,寓意如晉身立法會,會積極拉布,甚至可以和人民力量陳志全鬥多。他發表宣言時一度熱淚盈眶。

他表示,初一騷亂事件後,部分報章形容他是「暴徒律師」,皆因他替被捕者提供法律支援。「當初讀法律,係相信要搵公義,相信制度,而唔係有錢人玩意。」他坦言不認同當日的抗爭手法,但同樣不認同警察的拘捕過程及手法,「無論二月二十八日我係咪當選,我都唔後悔初一做嘅嘢。」

談到做律師及從政,他開始眼濕濕,「我對得住讀法律原意,對得住律師二字。選舉係一時,做人係一世,關信基教授話,從政係學做人。」他說市民可能對民主派過去三十年感到不滿,他承認泛民有做得不足,「但唔好抹煞民主派前輩三十年努力,如果唔係佢哋有份守住,香港只會更差。」

他指時代改變,需要革新,「有人話邪惡太了解善良,善良唔太了解邪惡,我唔認同。善良永遠認識邪惡,只係唔同意以暴易暴。」他稱從政者不能脫離人民,走得太遠太前會變成獨個表演,「我哋唔會傷害同路人,唔會放棄喺後面跟住我哋嘅人,呢個係從政者嘅道德責任。」

689上場後,司法獨立愈見受挑戰,楊岳橋明言若有人要破壞獨立司法系統,「over my dead body」。

對於選情,他感到緊張但仍信心滿滿,相信香港人不用「含乜含乜」都會選出合心水的人,相信善良正直和實幹的人是有回報。

新東補選其他候選人包括劉志成、黃成智、周浩鼎、梁思豪、方國珊、梁天琦。

撰文:袁慧妍
攝影:梁譽東、郭永強