一向都話女人錢最易賺,但原來有皮膚問題的護理產品更易賺,「因為癢起上嚟真係幾多錢都肯俾。」本木序創辦人Kaya Kwok研製了首項本地有機金盞花護理品牌,專治濕疹及敏感皮膚。 ">
  • 請農夫幫製有機護膚品 港女月賺十幾萬
  • 2016-03-04     0

 

一向都話女人錢最易賺,但原來有皮膚問題的護理產品更易賺,「因為癢起上嚟真係幾多錢都肯俾。」本木序創辦人Kaya Kwok研製了首項本地有機金盞花護理品牌,專治濕疹及敏感皮膚。

大學主修商業的她,畢業後在一間有機食品公司工作,一向熱愛大自然及環保的她,每日看着鋪內的有機菜腐壞棄掉感到非常痛心,她覺得:「因為土壤係孕育萬物的來源,同埋農夫係為你哋種植食物,所以我覺得最值得尊重,所以我就覺得嬲,點解唔識得尊重佢哋咁辛苦。」

後來她想到用本地有機農作物製作護理產品,其性價比高於普通有機菜,一來可以支持本土農夫,二來又賺錢,一舉兩得。她笑言:「我做鋪時,最叻銷售護膚品,好多人肯用好多錢買護膚品或濕疹等護理產品,因為真係痕。只要用番啲天然嘅嘢,好快就紓緩到症狀,呢條路可以保障到農夫收入,而我哋都有一定利潤持續落去。」她用了兩年時間租了錦上路的一個農場,聘請農夫幫她種植有消炎及紓緩功效的金盞花,再風乾後浸油給客人試用,效果比預期更好,所以全職製作,並成立「本木序」有機品牌。現在正式經營九個月,整間公司的產品利潤統計,每月平均有十幾萬收入。

她坦言,其成本比外國材料貴四至五倍,但她堅持本土種植,她解釋:「外國嘅產品係咪有機呢?其實睇唔到佢點種都好難保證到,但喺香港我經常都會入農場視察,知道佢哋唔會用化肥或農藥,但我嘅農夫俾我更嚴格,連有機農藥都唔用。」她有一個心願,希望堅持本土農業,而不用外國貨,「我唔可以話能夠保護晒所有農地,但都希望增加佢哋收入。」她強調不會將成本轉介給消費者。

她慨嘆香港人經常說要保護新界東北土地和支持本土農業發展,卻沒有太多人真正買本地有機農作物,那如何能維持農夫生計呢?她說:「咁農夫種咗啲菜出嚟,復耕吖喇,大家講到好愛土地喇,但種咗出嚟冇人買,啲菜都係要扔,咁即係冇意思啦?咁不如收番啲地嚟起樓?所以大家消費就係投票,其實要用錢去支持,而唔係空講話我支持你咁。」她現在與農夫組織「綠色錦上路」合作,提供有機菜直送服務,希望集結多個農場的有機菜,再直送到市區。

 

撰文:羅鈺歡  攝影:王晴