• 南亞Ricky為演別都醫生 停工鑽劇本
  • 2016-03-06     0

 

《公公出宮》入面個別都醫生,原名叫Ricky陳振華,因為Ricky一口流利嘅廣東話,加埋佢生鬼嘅演出,成功喺一班公公入面突圍而出。

本身Ricky喺大台唔少戲到出現過,主要都係扮演啲毒梟、殺手呀咁,對白更加係一句起兩句止。今次喺《公公出宮》入面有咁重戲份,據知Ricky為咗演好《公公出宮》入面嘅角色,佢索性停工鑽研劇本!

之前佢就同另外2位朋友,一齊同大家分享佢哋拍劇心得,講對白就話ok啫,原來睇劇本對於佢哋來講,都有一定嘅難度。Ricky話︰「你知道成個故事係點,你就會懂得如何演繹。 如果你演得好,但戲行先,你對白不好,他們不會cut你,最緊要個意思係度。」

除咗演戲之外,Ricky亦係一位髮型師,有時會打下散工做搬運工人。最令人羨慕嘅係佢有個靚老婆,兼有個女,Ricky仲不時去做義工幫人。邊個話南亞裔人士一定係衰人,唔少都好似Ricky咁like又肯去幫人。