• 信一國兩制 爾冬陞: 港英政府一定禁《十年》
  • 2016-04-04     0

 

大陸施壓,唔俾內地傳媒抄作《十年》,仲用埋禁播金像獎呢一招,正當大家怕得罪大陸,諗住《十年》呢套戲會冇獎嘅時候,最終《十年》嘅製作團體喺爾冬陞手上接過獎項。唔少網民都話今次爾冬陞得罪方丈大鑊啦! 我哋就問下佢係點睇呢件事先!

爾冬陞︰「我想強調係我們是一國兩制,佢沒有禁你頒這個獎,也沒有不准你播放,對不對? 如果這齣電影,在回歸前,我認為英國政府、港英政府會唔俾播,不過今時今日,我不知道有冇什麼條例,我相信沒有人會反對這齣電影。我唔希望政治牽涉到藝術、電影、甚至體育,我就覺得唔藝術,總之唔好太牽涉到政治。」

爾冬陞話唔怕日後有更多類似嘅電影出嚟,同埋唔相信評審投呢套電影嘅時候受到壓力,因為所有嘢都係按照金像獎嘅規矩。話晒《十年》咁敏感,爾冬陞又話唔想勞煩到人哋,寧願自己去頒呢個獎,怕唔怕有麻煩先? 佢話︰「對我有咩影響?我拍路人甲有咩影響,拍生活景點有咩影響? 我不會把我的政治立場放在我的電影入面。」