• 失落於南灣戰車下》 發掘激罕出水白泳衣伍姑娘 索!
  • 2016-06-15     0

 

同練生結婚17年,伍姑娘無仔女,同亡夫翁江培一樣無仔女,咁多年伍姑娘狀態無乜變過,未試過唔fit!

年紀輕嘅你,可能喺大台睇慣伍姑娘,未見識過伍姑娘真姑娘年代。其實佢係89年亞姐大熱,當年亞姐超水準,冠軍翁虹亞軍萬綺雯季軍趙靜儀(輸俾佢就奇少少),同翁虹頂頭大熱嘅伍詠薇,只得最上鏡小姐。

講身材,伍姑娘未必及練生密會嘅艷女咁突出,不過女人味呢家嘢,伍姑娘選亞姐時已自此一家。當年佢嘅拔蘭地廣告,同同屆亞姐拍嘅菲林廣告(大家有幾耐無用過?),全部都係影佢嘅大頭風情,當時佢得廿歲咋!

咁多年伍姑娘唔算多代表作,最多人記得可能係近年香港先生嘅飢到缺氧表演,或者哼下佢首《失落於巴黎鐵塔下》用法文扮嘢講La Tour Eiffel,其實佢92年仲喺亞視時,擔正過電影《衛斯理之老貓》,仲有幕激罕白泳衣出水芙蓉,索到呢。。。。。。練生喺南灣戰車共處2小時嘅艷女,邊有得比!