• 補習miss眼鏡娘》44歲陳霽平坐Starbucks兼職教普通話
  • 2016-07-12     0

 

揀飲品,陳霽平話要天然同有益,咁幫人補習呢?梗係揀Starbucks啦,場租只需兩杯飲品,坐足成日都唔會俾人趕,咁就教幾耐都得啦。

陳霽平近年出現喺公仔箱嘅機會,五隻手指數得晒,噏得出口嘅,最多咪一五年嗰兩套《我阿媽係黑玫瑰》同《三面形醫》囉。 見港視一潭死水,佢就轉攻司儀界, 加上父母係台灣人,自己又喺台灣出世,又留曾學美加,三文兩語冇問題啦! 唔只架,原來佢仲識西班牙文、法文同日文,唔怪得之佢撈埋語言教育界,又推出外語教學app啦。

精通多國語言,搵錢瓣數又多,照計搵埋唔少,但陳霽平係真・慳妹,就算教架妹學生煲東瓜,都淨係會揀Starbucks,地點易就唔再講,最梗係要係兩杯飲品可以坐足成日,幾草嘢就可以開班授徒喎,邊到搵先?

話時話,以前喺大台算得上性感尤物嘅佢,化身sensei(日文,老師之意)之後只係素顏加粗框眼鏡,一身樸素打扮。 雖然已經44歲啫,但話晒外表身材都算keep得到,咁嘅打扮好嘥囉。

唔制呀!就算唔係呢種日式愛情動作片入面嘅sensei,唔該都俾返以前性感嘅陳霽平大家呀!