• 【獨家】怒插前健身教練董事 加州老闆PK Wong:佢先係騙子!劏我8千萬
  • 2016-07-12     0

 

「我舊年買入呢間公司,係因為一個前董事同我講有錢賺。」PK Wong說。他指這名前董事叫鄭家達,在加州健身任職教練廿多年,亦是PK Wong的私人教練,兩人更成為朋友。PK Wong指對方在去年十二月,叫他買California Fitness,並指由於上手老闆身體有事,要求他數日內便要簽約。PK Wong指他自己連盡職審查也未有時間做,便心軟買入。據知金額$5000萬,「鄭家達仲俾份文件我睇,話有間上市公司都想買,佢叫我不如一齊買來做。」

PK Wong指,正式成為加州老闆後,委派了一名財務總監睇數,這才發現,「佢舊老闆留低好多舊債,間公司又亂七八糟,都唔係鄭家達講嗰樣嘢。」據知,加州健身十二間鋪,每月租金達一千九百萬元,而支付的人工亦要過千萬。PK Wong除了收購加州的數千萬元外,做老闆這半年間,已額外再注資二千多萬。

他聲稱覺得被搵笨,「佢(鄭家達)騙我去買呢間野,如果我無入來,呢間公司早已經執左笠,我係拿左一些資金去頂住。」記者問他現在執笠,令會員受害,他指:「我都係受害者,如果講到辜負會員,全部都係鄭家達做出黎,佢先係騙子﹗」PK Wong稱自己也是加州廿多年會員,過去被要求買教練堂,每次都付十幾萬,「我自己都買左幾百萬呀!」

撰文:財經組

攝錄:財經組