• 離婚變女強人》單身快樂陳慧儀堅索三點式
  • 2016-07-23     3

 

89年港姐陳慧儀,入行拍咗幾部戲,就嫁咗俾做導演嘅前夫陳嘉上,生咗一仔一女之後,兩個人已經決定離婚,不過冇咗老公,單身都可以好快樂,母兼父職照顧一對仔女之外,陳慧儀考埋證券牌,喺電台同電視台講股,其中同陸六叔主持嘅電台節目,仲要一做就十六年。今年二月,佢就冇咗做,轉去學雕啫喱雕花,而家仲叻到可以開班教人。其實陳慧儀煮嘢食都好叻,隨時可以煮一枱人嘅菜,最鍾意請分析員朋友返屋企試佢嘅手藝。單身女人,一樣可以生活得精采。