登入
  • 【中環人語】南豐集團離奇改名 「馬鞭草」抗憂鬱
  • 2016-08-12    

 

上星期隔涉嘅屯門新盤「豐連」熱賣,扑中八九十後心態,發展商南豐攞晒彩。「豐連」除咗由南豐發展,仲有間叫豐資源嘅公司參與。豐資源即係以前嘅南豐資源,由陳慧慧私人擁有,佢囡囡張添珞幫手打理。小宗搵吓公司註冊記錄,發現喺今年2月26日,呢間公司連同南豐集團、南豐中國實業,都向公司註冊處通報改名。

其中「南豐集團」擬改名「豐資源集團」;英文名就最離奇,由Nan Fung變Vervain。
Vervain即係馬鞭草,以抗憂鬱聞名,希臘文係「祭壇植物」的意思。據講喺17世紀,經常被法師用作施法的材料,認為可淨化靈魂,歐洲人特別是法國女性,更加愛不釋手。

身為陳廷驊次女嘅陳慧慧,今年以近400億身家進身香港女首富。早排傳佢退休,今年三月梁錦松亦晉升南豐董事長。睇返Vervain呢個名,有啲似慧慧洋名Vivian,又夠國際化;唔通想甩咗浸守舊嘅味道?

撰文:財經組