• 【康橋之家性侵案】壹仔質詢張健華 死撐否認性侵:你個心點諗係你嘅事
  • 2016-10-18    

 


私營殘疾人士護理中心「康橋之家」前院長兼社工張健華,早前被控與智障女院友非法性交,因事主不能作供,律政司於是撤控。民主黨立法會議員鄺俊宇發起網上聯署,要求社工註冊局對張展開紀律聆訊,累計獲逾10萬人簽名,張健華就先後接受不同傳媒訪問為自己辯解,更爆出指事主仍是處女,否認自己曾性侵犯對方。他於2016年10月18日再接受《壹週刊》訪問,激動指「一個正常男人,都破唔到處女膜,唔係呀嘛?」再否認自己有跟事主發行性行為,又指事主X行為一向不正常,會「用屎刷面」以阻止他人接近,並質疑X是受另一女院友唆擺才作出指控。

張健華當時接受本刊質詢,對於現時外界已對他「未審先判」,他無奈指「希望平反到幾多有幾多,你個心點諗係你嘅事,但我有冇做過」,同時再次強調事主X是處女,故性交指控根本不能成立,「我在寫字樓有段短片,唔敢拎出來,但重點唔係喺嗰度,個重點係有冇性交,呢個罪行係話緊有冇性交,咁宜家佢(X)係處女,而佢嘅口供,係話我條嘢轉吓轉吓入咗去,咁性咩交啫?咁有咩呢個行為做過?我真係唔明!所以點解律政司話一家要呢個女仔出庭,去澄清,現時呢個口供唔足以定我罪。」

他續稱:「到你審嘅時候要驗,宜家冇審,你提出咁多問題出來,我咪要搵個醫生驗我條嘢,有幾雄風幾大幾長,可唔可以一次過隊穿佢,我嘅能力有幾多,呢度要搵醫生驗,呢度要花錢,呢啲嘢要審先做。」

不過,記者就質疑,就算性交,女性處女膜也不一定令破損,並提出其妻子是否能證明,他即激動指,「一個正常男人,都破唔到處女膜,你唔係呀嘛?正常知識來的,仲要去睇醫生?呢啲…..唉!」

他在訪問中,亦不時指事主X有被害妄想症,並非單純是智力問題,同時引述對方證供質疑,「一個八歲的處女,當佢冇性經驗,點樣睇到啲嘢(精液)係咩嘢色嘅呢?係白色或者係黃色嘅呢?點睇呀?就算你性完交,咁點睇?睇下體流啲嘢出來係黃色定白色?」

對於自己捲入今次指控,張健華指事主在07至08年起入住該院舍,事發前行為一向不正常,不但會把碗掟落街,甚至因為不想他人接近而「用屎刷面」。他又指,事主是因為不滿自己母親把她留在院舍而常常發脾氣,甚至連其母親接觸她都會叫非禮。

張健華又同時指控另一拍片短片的女院友Y,指對方雖然同樣是屬「精神上無行為能力」人士,但其實好聰明,「成日搞事」,常不守院舍規矩,更指對方跟另一男院友拍拖,當時並懷有身孕。雖然張健華表示「唔知點解被屈」,但就似是暗示是院友Y對他作出報復。



採訪:李啟發、黃偉恆

攝影、攝錄:翁少陽、郭永強

立即下載《壹週刊》APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任 cs@nextdigital.com.hk,我們定當盡力協助!