• 行喜瑪拉雅山遇地震 港人留尼泊爾救流浪狗
  • 2017-04-09     0

 

熱愛大自然的香港人張邨文,出生草根,曾是一名社工。他兩年前到尼泊爾行喜瑪拉雅山,卻遇上了7.8級大地震,人生自始有了翻天覆地的變化。

地震過後,尼泊爾滿目瘡痍,但他沒有即時回港,因不忍心不顧而去,於是選擇留在當地協助賑災。他留在尼泊爾參與救災期間,目睹尼泊爾首都加德滿都的流浪狗之苦況,再一次受到感召,決定出手拯救流浪狗。

「我鍾意叫佢哋社區狗,因為佢哋生存喺社區入邊,同人係共存,周圍都見到佢哋一齊,所以唔可以排除佢真係社區一份子。」張邨文救的第一隻社區狗,名叫Fuchi。Fuchi患有嚴重皮膚病,身體十分瘦弱,連找食物的力氣也沒有。

邨文憶述,第一次看到瑟縮一角的Fuchi時,覺得很是憤慨:「佢明明需要幫助,但點解大家都見死不救?」對照顧受傷動物完全沒有經驗的他,當下就決定要伸出援手。在徵詢過獸醫朋友的意見後,他先自行替Fuchi簡單療傷,其後再帶牠看獸醫。經過一番悉心照顧及治療,Fuchi已於方短短幾個月內已經重新長出新毛,重拾健康。

自此以後,張邨文就經常飛回尼泊爾,自掏腰包在那邊為狗狗進行絕育、醫治、拯救,同時做社區教育。他去年便與兩間拯救流浪狗的當地機構合作,在小社區設立流動手術室,進行「捕捉、絕育、防疫、放回」計劃,已有六十六隻社區狗受惠。

除了保障狗狗的健康,邨文還很重視社區教育。他相信,要幫到這些社區狗,單靠自己的力量並不足夠:「我唔係喺嗰度長期居住,我唔係尼泊爾人,要解決問題或者去改善社區狗個情況,就一定要靠當地人。其實當中有人真係好錫啲狗,只係欠缺資源同埋知識,變咗佢哋唔知要點樣處理,所以只可以眼白白睇住隻狗有事。」

所以,他會找居民也幫忙照顧社區狗,又成立小朋友狗義工小隊,一齊照顧狗狗,讓當地人學懂如何與社區狗共存。例如有一次,社區內的小朋友發現了一隻狗媽媽和一窩狗BB,邨文便與他們一起以磚及帆布搭建保暖棚,幫狗媽媽和小狗們保溫。

上年,張邨文重返尼泊爾數月,就把三十多隻在死亡邊緣徘徊的狗狗救回來:因為生了寶寶緊張而咬人、居民要脅把牠殺死的狗媽媽Pima、四度被人偷走的Tommy、在貨車底睡覺結果被輾斷了腳骨的Jacky⋯⋯為了救異國的狗狗,邨文不計回報地出錢又出力,可謂仆心仆命。有時候,他會遇上質疑,說香港的流浪狗同樣需要支援,為何要幫別人的狗?他回應道:「對於我嚟講就冇分佢哋我哋,同樣都係生命。咁我哋幫一啲第三世界國家,例如非洲呢啲貧窮國家嘅小朋友,係咪唔應該呢?」

對他而言,尼泊爾的狗狗更需要他:「香港好多有心人,香港嘅資源比較好,大家有心得嚟亦都有資源有能力去做到啲嘢,反而尼泊爾呢個地方就欠缺能力同資源去發起呢件事。」現時,這個計劃就只有張邨文一人挑大樑,雖然辛苦,財政負擔也很重,但他也不言悔。邨文早前就在香港舉辦分享會和明信片義賣籌款活動,希望吸引更多認同他理念的人可以支持和加入他,與他同行。

「未來五年,甚至十年,我都會為呢件事而努力。犧牲?我盡量都唔用呢個字眼,因為係選擇嚟。」

關於更多計劃的詳情,可瀏覽:http://www.facebook.com/wildconnections.au

記者:張馨文
攝影:曾春南