• 【金剛前度奉女成婚】蔡慧欣陀四個月肚出嫁 低胸婚紗谷曬奶
  • 2017-09-30     0

 

金剛前度係陳蕊蕊,佢嘅前前度係11年落選港姐,亦做過神獸大使「騰騰雞」嘅Gemma蔡慧欣。14年離開大台嘅佢,消失幕前。最近蒲頭就雙喜臨門,結婚生仔打孖上。

尋日(29/9)佢喺尖沙咀洲際酒店舉行婚禮,新郎叫Keeman。Gemma搵咗當年同屆參選嘅港姐做姊妹團,包括《東張》人妻梁麗翹。早上著坐裙褂出門,姊妹團就小鳳仙裝送嫁。

月初,Gemma攬住現曬形嘅四個月肚喺ig宣佈做媽咪,仲公佈埋第一胎係女,奉女成婚,尋晚一對新人喺洲際舉行婚宴,著婚紗陀住B嘅Gemma,索味依然。出嫁前已經冇做嘢嘅佢,婚後亦打算專心相夫教子。至於前度金剛,當晚唔見,即係冇請佢飲囉!