• 黃卓玲傾偈七情上面 杜琪峯昔日愛將樂做湊仔婆
  • 2017-11-06     0

 

依家娛樂圈有個顏卓靈,咁黃卓玲大家又記唔記得邊個先? 昔日杜琪峯愛將黃卓玲,以前嘅佢真係嗒得杯落㗎,依家嘅佢係一位好普通嘅師奶。佢拍過唔少電影,仲要同佢拍檔嘅都係巨星,而佢硬朗嘅外表扮起Madam上嚟,更係入型入格。05年嫁俾做生意嘅老公之後,黃卓玲就退出娛樂圈,專心湊細路。

早排黃卓玲就湊對仔女去啲興趣班,自己就去同朋友high個tea,順便輕鬆一下。冇班細路困身,黃卓玲不知幾咁開心,全程同個朋友傾到七情上面,話晒做家庭主婦,有時忙起上嚟想煲個電話粥都難呀,谷埋谷埋當然要一次過爆發晒出嚟啦!細路上完興趣班,黃卓玲行番去接佢哋,並冇因為傾到忘形唔去接,始終小朋友緊要啲嘛。