• 「大台御用收數佬」賣魚維生 黃文標:有手有腳 肯做就得啦!
  • 2017-11-06    

 

在《使徒行者2》出現短短十幾分鐘的惡霸,再一次喚起不少觀眾的回憶,但大家又能否說出他的名字?

在大台打滾了23年的黃文標,離開大台轉戰HKTV,奈何港視不獲發牌,黃文標在朋友的介紹下到漁檔幫手做運輸。「依家冇簽電視台,工作量唔係太多,有時間咪幫下朋友手,揸下車。其實喺漁市場同埋街市,都會問:你過嚟賣魚?我話:打份工啫,試吓無乜所謂」黃文標說。

在大台是「御用收數佬」,經常在電視劇出現,依家轉身在魚市場打滾,開始的時候引起不少人誤會他在街市拍戲,但一年過去,大家都見慣見熟。不過標哥怕的是大家都以為他轉行去了,再拍戲他們會接受不了,「我係怕一樣嘢,當我去做咗呢一個行業後,觀眾會唔接受,會覺得你都轉咗行啦,仲返嚟拍戲做咩呢?我係驚呢一樣嘢,但係其實做任何行業都係人一個。」不要以為惡霸沒有人留意,標哥說早幾日有個女仔叫他繼續拍下去,足以令他開心到不得了,「佢話你唔好唔拍呀,我好鍾意睇你做戲,跟住就同我影咗張相。好開心,起碼到今時今日都仲有人話鍾意我做戲,鍾意睇我」標哥興奮地說。

雖然他幫朋友運下海鮮,但他說這份工作只是兼職,而他的正職是一名演員。「我係一個演員,我要做一個演員,唔係要做一個明星。我又唔係靚仔,又唔係有咩咁特別,已經將自己個定位降低,我唔介意做一啲配角、三四線,只不過人要生活,能夠生活得到就OK。」就算被人定型專做惡漢,標哥覺得沒有什麼好介意,他說︰「尤其喺大台咁多人,能夠定到你一個位置,我覺得已經好好,起碼幾百個藝員裡面,我搵收數佬第一個諗起我,唔好話第一個諗起我,第二三個諗起我咁已經好好 。」

從來他沒想過當主角,見到太多人因為想做一線角色而令自己得出情緒病,標哥就樂天知命。「就算係主角,你都係一個人,你唔會高得我好多,最多咪你收入高啲,但係對於我嘅生活無影響。我心態係唔會去羨慕或者妒忌你係主角,你搵幾多錢,我只會覺得雖然你今日係主角,但可能三幾套之後就俾人遺忘,無一世嘅主角,你可能會倒退。但我做三、四線嘅,我可能做一世,都無得倒,我已經係最線尾,我會係永恒啲。」