• 【方逸華追思會】曾志偉:值得尊敬嘅老闆 鄭裕玲讚親力親為
  • 2017-12-12    

 

曾志偉、王祖藍、賭王何鴻燊四太梁安琪、蓋鳴暉、姜大偉、廖碧兒、趙世曾、謝天華、于淼、阮兆祥、米雪、雪妮等今午陸續出席方逸華的追思會。
由70年代在邵氏做龍虎武師,到加入TVB,曾志偉指方小姐是他兩代老闆:「方小姐由賢內助至掌管TVB,覺得佢係好值得尊敬嘅老闆,對電視同電影圈都貢獻良多。」
同樣曾效力邵氏及TVB的姜大偉表示:「其實同方小姐做同事幾十年,覺得好突然,好後期先知道佢住咗醫院一段時間,喺台慶都諗,點解方小姐冇嚟嘅?唉!走咗位朋友!我哋以前好反叛、唔聽話,但方小姐好勤力好執着,對工作同劇本好認真,但同幕後嘅朋友好friend,我哋後期雖然冇合作,但成班人都會約埋一齊去方小姐屋企玩,大家唱歌飲酒,成班人好開心,真係好可惜。」
至於鄭裕玲則說:「對方小姐,最難忘一定係邵逸夫獎頒獎典禮,由零三年第一屆開始我已經擔任司儀到依家,每年方小姐都親自到場,由擺設都親自打點,又會去後台搵我哋啲主持講多謝。其實佢係我老闆,唔使咁客氣嘛,仲會送上禮物。後來聽到佢過身嘅消息都好突然,佢係一位傳奇女性,由歌手變成一位咁顯赫嘅人物,但好謙虛、冇架子。」
攝影:李溢敏