• 網民好愛唐文龍老婆 胡琳有靚聲都箍唔實老公
  • 2017-12-20    

 

依家見到唐文龍,除咗諗起佢同陳敏之喺《溏心3》激動床戲之外,當然仲有佢老婆啦! 最近大家都對劇中扮演唐太的胡琳好有興趣。估唔到有好多網民都話寧願要唐太,都唔要陳敏之,又話趁唐文龍去偷食嘅時候,幫佢照顧好唐太。

其實今次都係胡琳第一次拍劇,話晒係新面孔,加上係戲入面賢良淑德形象,成功吸納一批男fans。本身專注唱歌嘅佢,出過碟,開過演唱會,仲出過黑膠碟。不過,胡琳唔係唱主流音樂,主力喺爵士音樂方向發展。

有靚聲同個靚樣都係箍唔住唐文龍個心!依家同大家劇透下,許家二少搵人跟蹤唐文龍佢哋,最後當然通晒天,胡琳知道咗之後,即時帶埋個女走人。唐文龍為咗追番老婆同個女,仲搞到撞車。見到呢個畫面,唔使問啦,胡琳最後都係選擇原諒唐文龍。無計喎,歌仔都有得你唱,矛盾只因深愛著~