• 拍拖到結婚11年 鄭伊健蒙嘉慧手照拖好Sweet
  • 2017-12-27    

 

鄭伊健同蒙嘉慧拍拖七年,13年在東京拉埋天窗。七年之癢冇出現,婚後感情有增冇減。四年來手拖手行街,一起做運動的甜蜜畫面經常出現。
蒙嘉慧收服大細路,她的相處之道就是:令對方過得快樂。老婆萬事以他為先,鄭伊健亦開到口,老婆發福,照單全收。

鄭伊健兩公婆雖不愛高調放閃,但每次出沒被發現,總是手拖手恩愛到爆。日前兩人去淺水灣醫肚,食完飯行去攞車,拖實老婆的鄭伊健,沿途sweet talk。
昔日性格內斂的邵美琪同好勝的梁詠琪,都未能把鄭伊健收服,分手收場。好動型的蒙嘉慧跟他夾到爆,一段羽毛球情緣成功箍得住這個大細路。

除了啱嘴型,蒙嘉慧的相處之道,也是她箍緊大細路老公的致勝秘訣。「婚姻之道就係最緊要令對方開心,有咩問題我唔會依賴對方幫我解決,我嘅責任係要令伴侶開心。」她又揀在相愛九周年日子,罕有公開晒愛,在微博寫道:「謝謝你為我遮風擋雨……酒我代你喝,你繼續努力工作吧!」

婚後減產,享受家庭生活的蒙嘉慧,就算身形逐漸膨脹,老公鄭伊健都照單全收,仲話:「佢以前太瘦,依家有少少肉地,無論肥定瘦,我點都鍾意。」

相關新聞:

郭藹明閨房絕技緊箍劉青雲 19年婚姻仲好激情
http://bit.ly/2kZZYcZ

講完太空船宣言即開小飛船 劉青雲3千萬送郭藹明夢想屋
http://bit.ly/2lcHVPP

【3招箍老公】郭藹明幫夫炒樓賺二千萬 煲老火湯侍候
http://bit.ly/2DhixA1

被爆似細路經常扭計 陳柏宇心急做老豆:差在幾時成功咁解
http://bit.ly/2CaOY6o