• 【舊情人同為食店老闆】黃翊受白眼 黃寶欣多明星客
  • 2018-01-03     0

 

黃寶欣、黃翊呢對舊情人再見亦是朋友,唔止同台表演無尷尬,其實私底仍然係老友鬼鬼,啱啱過去無耐嘅聖誕,佢哋先約埋一齊食飯兼交換禮物,不知幾happy。同場嘅仲有鄭敬基、黎明詩、唐韋琪等藝人。

賣餅嘅黃寶欣,成日都要親自落舖打點同招呼客人,因為好多藝人朋友會嚟探佢。返到舖頭,第一件事就梗係check吓條數先啦。老闆親自檢查過無問題,終於可以鬆返啖氣、飲啖水,然後同班辛勤工作嘅伙計吹吓水增進感情。有班幫得手嘅員工,黃寶欣更樂得清閒,安安落落咁食嘢抖吓。

至於最近回歸樂壇嘅黃翊,雖然同黃寶欣一樣以自己生意為主,落手落腳打理大牌檔,有時仲要送埋外賣添,不過受到嘅待遇就唏噓好多,試過惹嚟其他藝人朋友嘅白眼與冷待,令佢感受到人情冷暖。