• 【聾人生活不便】收唔到call網購取消送貨 說話不清被以為係外國人
  • 2018-04-18    
馬上成為壹會員
會員專區 只限會員閱讀

 

聽障為方包帶來的不便,在她的漫畫中卻成了生活趣事。「上網訂完貨,送貨嘅時候,佢就打電話過來,但我聽唔到,然後他send短訊畀我,話佢打唔到電話畀我,所以送貨取消。」因為發音不準,到餐廳點餐時又被以為是外國人,「佢用普通話或者英文同我講,咁佢講英文,我就用英文答返佢,佢講普通話,我就用普通話答返佢。」她歪嘴笑了一笑:「配合吓。」

人們常說的「聾啞人士」,在聾人耳中卻是錯誤的形容,「我哋聲帶基本上都冇問題,只係因為我吸收唔到你哋講嘅嘢,所以令我哋講嘢唔係太清楚。」又有人以為,只要大聲一點,聽障人士就會聽到,「我試過啱啱認識嘅朋友,佢知我聽唔到,就好大聲同我講嘢,我話你唔洗咁大聲,你用返平時嘅聲量,然後等我讀唇,我就會明。」

有人覺得,聾人是不禮貌的稱呼,但原來並不是這麼一回事,「可能政府宣傳會用『聽障人士』呢個詞,啲人習慣咗。但私底下,好多聾人都會覺得,我就係聾人,我哋唔覺得有咩負面。」方包解釋,聾人及弱聽人士主要分別,是以文化區分,「聾人有自己嘅文化,多數都係用手語為主。弱聽人士就係用口溝通,好少打手語,同埋大部分都係讀主流學校。」

撰文:鄭靖而
攝影:胡智堅