• 【約滿離台】岑麗香發千字感言:俾心機放假,之後再努力工作
  • 2018-06-17     5,981

 

日前有報導指香香公主岑麗香因想回加拿大陪伴先生,以及休養準備生小孩,所以不再與大台續約。今日她在Instagram上發表千字文表達對大台的謝意:「Sandy姐,您一直鼓勵我to “be myself”我會記住,thank you! Felix,我知道你每一套TVB劇都有睇,多謝你教我什麼是勤力! 8樓藝員部同事,多謝你們一路以來咁錫我,教我咁多嘢同埋陪我成長。多謝監製:Joe,俾我香香公主呢個名的德哥baba、家豪哥、忠哥、聲哥、Nelson、莊生、岳少、材叔、阿細、徐生,俾我機會發掘我自己對演戲嘅愛,感謝你們。多謝咁多位梳頭化妝服裝同事,唔只令到我每日都可以靚靚,仲同我補習中文添!多謝咁多位保安員及清潔姐姐,當我06:00開工好攰嘅時候,簡單嘅對話令我笑同充滿正能量!所有幕前幕後同事朋友 without your protection, patience, guidance, encouragement and teaching there would not be the 香香公主 that the audience knows today. 感謝你們一步一步陪我成長。As a proud TVB daughter I carry a heart of 不捨得and forever thankfulness as I take the next step into the future.」 上至Sandy姐下至清潔姐姐她都一一感謝,可說是相當有心,亦足見她感觸良多。

她亦有透露自己斷約後的安排:「感謝傳媒和觀眾朋友的關心和愛護,我暫時俾心機同屋企人放假,讓身體回復最佳狀態!放完假再努力工作,到時再見。」雖有說明自己會稍作休息,但就未有提及自己有否生小孩的打算,亦沒有提及自己會留在加拿大抑或回港發展。有網民對她的離開表示不捨,希望她能早日回港,亦有網民對她送上祝褔。