• 【陳嘉容師妹】楊曉穎Sharon單飛影寫真 帶你闖入私人密室
  • 2018-07-08     17,063

 

身為環球小姐和國際小姐,身高178cm的「陳嘉容師妹」楊曉穎(Sharon)上年孖住女友人出寫真集,因反應理想,今年獲公司及投資者支持單飛影寫真,帶出個人真性情,俘虜一眾宅男和粉絲。Sharon話之前影嗰啲都係專業Model嘅相,表情都Cool啲,但其實真實生活上自己好簡單隨和好True。



今次要以個人寫真相片同粉絲「Say Hello!」並細說入行前的往事和小故事,等大家了解一下佢真實嘅思想同故事。今次Sharon一共影咗十多個造型,由於剛剛由上海演藝學院讀完演藝課程回港,在國內吃東西都比較油膩,所以返嚟香港影寫真相前都要火速Keep Fit做好準備:「一日跑兩次,早起身早跑兼晩跑。減少食澱粉質食物外仲搵營養師Detox,一星期飲果汁為身體排毒排油。」Detox後就立刻拍一輯最真實的睡房照。Sharon話要配合最真實嘅主題,帶大家闖入私人密室,相中嘅密室更是自己屋企的睡房。Sharon 更直言平時自己都習慣祼睡,在私人睡房鍾意攬住公仔享受無拘無束的時刻。Sharon仲預告會以最真實、最互動的嶄新模式同大家見面,感謝好友許嘉浩(Karl Hui)任Creative Management,給予團隊好Surprise的Idea,更約定一眾宅男粉絲在暑假的一連串宣傳活動上見面,感受最真實的自己!