• 【郭炳湘紅顏搏轉正】出入高球會想用正印身份 其他闊太即場踢爆好無癮
  • 2018-08-31     2,342

 

【正印同大富豪講數】阿太踢爆霧水郭太唐錦馨 伴侶身份簽卡被拒(足本版): https://bit.ly/2wr4cQg

新地郭家大少郭炳湘(Walter Kwok)水哥,訓咗喺港安醫院,呢個關鍵時刻,就是正印出場之時,因為醫生要做什麼決定都要由水哥直系親屬,即Spouse配偶簽名同意,當年水哥被綁架, 都係由正印郭太Wendy李天穎親自去同綁匪張子強週旋講數㗎!所以即使水哥有個紅顔知己Ida Tong已久,但公開說老婆Wendy李天穎依然是「郭太」!

喺富豪圈spouse嘅身份好緊要㗎,話說Ida Tong經常陪伴水哥出入高爾夫球會,曾經以spouse membership 嘅名義去簽單,職員又好少check下呢啲熟客嗰張卡嘅,但在場有阿太睇唔過眼, 當場同職員講Ida Tong 並非郭太喎,不能以spouse membership簽單,Ida Tong呢位「霧水郭太」當然沒去爭拗,不過就好冇癮囉!

Ida Tong 經常陪伴水哥飲飲食食,都有「夫唱婦隨」咁嘅feel,早排佢地約埋班friend喺帝苑酒店睇世界盃, 啲朋友見到水哥肚腩都好突出,面色又麻麻哋,而且好攰不時恰眼訓,好似唔夠 氧氣咁,希望水哥早日康復,Ida Tong 又陪佢出海有吸吓新鮮空氣咁啦。

撰稿:宗菁華

立即按此連結下載《壹週刊》APP,隨時隨地睇盡時政專題、深度偵查、娛樂熱話!

按此連結: http://bit.ly/next28app