• 【性博士港姐做人妻】馮盈盈嫁醫生包有性福 秘密訂婚兩年鑽研各式AV(足本版)
  • 2018-09-12     96,831

 

馮盈盈在《後生仔傾吓偈》真情談性,獲網民封為性博士。

咁識享受男女之歡,當街啜啜醫生男友Martin碎料啦!呀,唔係,應該係未婚夫先啱。Martin朋友圈傳出,兩年前他已求婚成功,現開始籌備婚禮。馮盈盈又索又有噴血身材,而且對AV好有研究,之前在節目大讚睇AV有好處,分析不同作品種類,咁有心得,一定俾到「性」福Martin。

其實前年,馮盈盈已經在私人facebook,上載過一張藍寶石戒指相,留言話:「今日一起身牙都未擦,就有個男人喺我面前捧住隻藍寶石戒指,然後將呢隻戒指戴上我無名指,我真係好意外好驚喜。」突破盲腸嘅形容,係人都知她獲男友求婚啦!

他們開始構思婚禮,馮盈盈希望可以去外地結婚,叫埋朋友飛過去開小型party。同埋諗好起碼要影七輯婚紗相,仲要拍結婚微電影。她要求到時補番個更隆重求婚儀式,已經叫男友準備古董婚紗和古董戒指,想埋攝影師見證這個時刻。

呢啲要求,相信十優狀元醫生男友一定照辦啦!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app