• 【美魔港姐的秘密】53歲超索高麗虹愛洪金寶 因為老公每日做同一件事......(足本版)
  • 2018-09-15     118,558

 

嘩,呢個mix嘅女人,皮膚滑嘟嘟,五官又精緻,好靚喎!咁熟口面嘅,佢咪係洪金寶個老婆高麗虹囉!數一數手指,高麗虹今年已經53歲,睇落去一啲都唔似喎!後生做打女時都唔覺佢咁靚,反而人老咗,仲正咗添,洪金寶真係識貨。

呢日佢喺無印良品好專注咁揀嘢,買吓日用品,左睇右睇,乜都睇吓,咁又係,冇嘢做打發下時間。行完無印,再去睇吓衫,點知得個睇字,揀唔啱,最後喺瑪莎買咗啲嘢食。

講番高麗虹,佢同洪金寶95年結婚,未計拍咗幾多年拖,單係結婚已經愛咗佢23年。雖然洪金寶係肥,但高麗虹一樣咁愛佢,後生時愛,到而家,洪金寶66歲喇,膝蓋軟骨組織磨損做完手術,唔想對腳惡化唔行得太耐,唯有坐輪椅,不過,高麗虹一樣咁愛佢。愛一個人梗有原因!武打出身嘅洪金寶講嘢雖然大聲,但對女人好溫柔,佢講過老婆係拎嚟錫嘅,只要唔使開工,佢每日都會整早餐俾老婆食。洪金寶仲話,每次老婆返澳洲探屋企人,佢都會茶飯不思,好掛住佢!女人都係想個男人錫佢一世,咁唔怪得高麗虹可以愛洪金寶咁多年啦!

攝錄:陳亦龍、蕭敬漁、吳斯金

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app