• 【84年港姐冠軍】拜洪金寶為師日久生情 高麗虹甘做第三者兼後母(足本版)
  • 2018-09-15     66,261

 

84年選香港小姐得到冠軍嘅高麗虹,86年加入影壇拍電影,第一套參演嘅係同王祖賢、王晶拍嘅《俾鬼捉》,當時佢已經好搶鏡。88年,佢憑電影《東方禿鷹》中飾演嘅柬埔寨反共遊擊隊一角,榮獲第7屆香港電影金像獎最佳女配角提名。就係咁,高麗虹開始向打女方向發展,仲拜咗洪金寶為師,功夫突飛猛進。

當時洪金寶雖然有位韓籍老婆,但兩公婆長期分隔兩地,就係咁,洪金寶同高麗虹日久生情撻著咗。就算要放棄事業、背負第三者之名,高麗虹一樣選擇愛洪金寶,等佢搞好離婚後,兩人於91年結婚。洪金寶同前妻有三子一女,為咗唔想俾人有機會話後母偏心,高麗虹堅決唔生,專心照顧佢哋,所以洪氏三兄妹對佢好尊重。而洪金寶能夠衝出亞洲拍荷李活電影,高麗虹可以話係幕後功臣,佢除咗幫佢睇合約,仲教佢英文,有個咁全能嘅老婆,洪金寶可以話三生有幸。

攝錄:陳亦龍、蕭敬漁、吳斯金

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app