• 【獨家撞破●鍾情大胸女】沈震軒舊愛係JJ 大胸新歡陳欣妍戀過卓悅太子爺(足本版)
  • 2018-10-11     51,211

 

仲記得沈震軒當年同女神JJ拍拖,有個索爆女友嘅佢仲唔心足,同拍《喜愛夜蒲2》嘅劉羽琦撻著,搞到JJ要同佢分手,傷心到爆!那個年少不輕狂,今年35歲嘅沈震軒,自從傷咗JJ心後,已經冇咁花弗。咁又係,JJ同范少皇結咗婚生埋個囡啦,有個幸福家庭,咁沈生呢?

呢日,壹仔喺圓方見到沈震軒同個長髮女仔入咗新派泰菜餐廳,唔洗一陣,佢又急步出咗嚟!原來趕住去買戲飛,食嘢睇戲,呢啲係拍拖嘅基本步。食飽喇,沈震軒好大方咁同個女仔手拖手咁行出嚟,個女仔熟口熟面咁,係喇,佢咪係卓悅太子爺葉韋彤嘅ex陳欣妍Shirley囉!陳欣妍拍過幾部戲,年幾前同沈震軒合作咗套細片《狼人遊戲》,就係咁撻萶咗,仲住埋一齊添!一齊咗年幾,冇俾人發現又冇俾人影到,今次獨家斷正,冇得否認啦!Keep住十指緊扣,邊拖邊fing手,好有puppy love味道!去到戲院買爆谷嘢飲,沈震軒成個大細路咁,飲杯凍嘢都古靈精怪過人,不過,Shirley睇得好開心!話時話,諗番JJ、劉羽琦,再睇埋現任Shirley,唔難睇出沈震軒對大胸長髮女情有獨鍾。

攝錄:陳亦龍

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app