• 【《延禧》驚見偽娘】嚇親網民!越南版高貴妃 明玉似男人
  • 2018-10-11     14,989

 

《延禧攻略》Hit爆中港台三地,唔只係中華地區,連越南都有好多觀眾。之前越南網上有偷播版,足足播快大陸成10集咁多,製作公司立即發出「嚴正聲明」,表明追究刑事責任。雖然係咁,但近日有消息傳出指越南將會開拍越南版《延禧攻略》,仲爆出演員名單。越南版嘅乾隆,同中國版都幾似樣,同樣係大眼濃眉型。而越版魏瓔珞,個樣都幾精靈靚女,同原版瓔珞都幾似嘅!另外越版嫻妃、富察皇后、爾晴,呢幾位都正正常常,個樣又有霸氣,同原版都幾Match。

不過呢位高貴妃同明玉係…發生咩事呢?兩個越版角色同原版完全唔係同一回事,網民仲話越南嘅兩位好似男人,難道呢個唔係越南版,而係偽娘版?雖然有傳翻拍,但《延禧》製作人立即喺微博回應,版權並未售出。對越南版有興趣嘅要再等下啦!