• 【終於鍊贏家姐】當年唔及超雲索 何超蓮積極改造變女神(足本版)
  • 2018-10-12     122,676

 

今年廿七歲嘅超蓮,公認係何家最索千金。睇返佢當年,又真係唔及家姐咁靚嘅!

講到賭王一眾千金,三房嘅大女超雲、二女超蓮一直都最受矚目。想當年超雲啱啱初熟,有樣有身材,次次出親公開場合,例牌deep V上陣,搶盡風頭,仲俾傳媒封佢做「最索千金」。相反當時只得12、3歲,發育仲未完成嘅超蓮,拍埋喺家姐隔離,當堂比下去。

睇返呢位三房二千金,細細個嗰陣,又真係唔係咁標緻嘅!讀書嗰陣,超蓮男仔頭,皮膚又偏黑,都幾man 下架!大大下,都仲未識打扮化妝,一啲都唔起眼。16、7 歲,超蓮開始化下淡妝,靚樣啱啱成型,不過就明顯有啲肉地。步入二十歲,超蓮開始收水,加上識得打扮,開始㗳得杯落喇!

較啱呢個時候,家姐超雲開始走緊下坡,身型一日脹過一日,打扮仲愈黎愈騎呢! 超蓮人氣反超前,狀態大勇,就算素顏上陣,都一樣煞食。近年開始超蓮玩埋健身,唔止樣靚,身材仲愈黎愈正。呢張晒股相一出,呃咗唔少like ,仲俾網民封佢做「女神」。今年廿七歳嘅超蓮,開始湛出「女人味」,家下仲成為唔少廣告客戶新竉。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app