• 【萬能Key馬神咩造型都Carry到】馬德鐘:我扮女人最靚!
  • 2018-11-09     480

 

【萬能Key馬神咩造型都Carry到】馬德鐘:我扮女人最靚!(足本版): http://bit.ly/2DrydVy

繼2015年《以和為貴》後,馬德鐘有3年時間無幫TVB拍劇。佢今年終於因《跳躍生命線》現身,飾演救護總隊目麥在田。紀律部隊look一出,唔單只一眾師奶觀眾嗒糖,就連年輕網民都好佩服咁問:「究竟有乜紀律部隊係馬德鐘carry唔到?」大家都噏唔出答案,唯有搞下笑求其答「恰阿婆食環」同女童軍。

計《壹》仔話,馬德鐘有心扮「恰阿婆食環」同女童軍嘅話,都唔係無可能,大家唔好忘記佢有個朵叫做「萬能Key」喎。想當年馬德鐘一度成為高登巴絲嘅新寵兒,係咁拎佢啲相改圖,由李小龍生擒薜家燕到衛蘭玩瑜伽;由巨咪女郎到幼齒蘿莉,全部都像真度極高兼超低能勁搞笑!

據知當時馬德鐘睇過啲改圖後,都大讚自己:「我扮女人最靚!」的確係,如果佢肯行搞笑路線,上綜藝節目扮女人跳下舞唱下歌,就連王祖藍都隨時地位不保。