• 韓君婷台上晒英文 變執生王
  • 2018-11-09     7,892

 


係人都知韓君婷(Belinda) 係鬼妹仔一名,日前以金色喱士通花裙Look現身IFC,原來當晚是以司儀身份擔任一醫學美容活動。

在台上,鬼妹完全發揮得淋漓盡致,原因是大會要求她以全英文對答,對上一次以全英文的司儀工作已隔了一年,

她表示:「個個以為我係鬼妹講英文就一定好easy啦,不過我都會好緊張㗎,事前都練咗好耐,因為英文除咗咬字之外嗰個音調都好緊要㗎!」

另外,活動現場見到妳都好識隨機應變,在問答環節時的執生位好勁喎:「其實呢啲經驗都係累積落嚟嘅,不過都真係要多得以前喺電視台嘅時候有機會做多啲 live show 先至可以吸取到呢d經驗。」執生咁叻,個客有冇加錢呀?「現場執生係做司儀應該要做嘅,我只希望客戶滿意。現時會主力登台商演同埋司儀嘅工作,好彩我三文兩語都唔差。」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app