• 【直擊〡走投無頭返港投靠阿媽】暴瘦卓林拖女住大坑娘家避債 吳綺莉:個女係我最好朋友!足本版)
  • 2018-11-25    

 

咦?佢咪係失蹤人口卓林?又kiss kiss!又攬攬!唔知阿媽見到會點呢?

之前同阿媽吳綺莉炒大穫,卓林拉埋女友遠走高飛去加拿大,失蹤咗足足一年。今日竟然俾《壹仔》見到佢同女友Andi 喺times square 附近個街市出現。兩個由銅鑼灣行一路去灣仔,沿路一直手拖手,好好傾咁喎!

卓林冇見一排,樣就似乎就冇乜點變啦,係瘦咗好多! 據悉卓林喺加國同女友生活潦倒落難,甚至欠租多月,走投無路下被迫返港投靠阿媽。

今次返港,佢女友Andi 就剪短咗頭髮。等過馬路嗰陣,Andi 仲挨一挨卓林膊頭。之後兩個走咗入七仔買野,卓林仲好順手拎個銀包出黎遞俾女友找數。行行下,煙癮起,停低扯返啖煙先!仲一支煙仔兩份食。之後兩個又深情對望一輪,再整多啖先! Andi 一個人行咗入藥房買野,卓林就鬼鬼崇崇匿埋。終於行到去灣仔,兩個似乎漫無目的,剩係企喺電腦城門口扯煙。

之後又行去搭地鐵,等車嗰陣,兩個又好肉緊攬攬。撘咗一個站,又返咗去銅鑼灣。咦?兩個排隊上小巴喎!呢架小巴去大坑,咪係吳綺莉屋企?不過早一排,吳綺莉已經開到聲話原諒咗個女:「佢係我一世最好嘅朋友。」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結 http://bit.ly/next28app