• 陳明憙苦讀7年日文大派用場
  • 2018-11-26     4,011

 

在上海完成一連四場大型音樂劇《愛在星光里》的Jocelyn陳明憙,終於可以鬆口氣放大假,孝順的她,決定同父母一同到日本放假充電,好好休息。



求學時期因為喜歡日本動畫,加上愛聽日文歌,Jocelyn讀中學時已經修讀日文,更讀了七年之久,她說:「以前細個成日同父母去日本,我就負責做翻譯,但今時今日科技發達,手機已經可以取代我呢個人肉翻譯機,近年佢兩個成日丟低我,二人世界去日本玩。」

難得一家三日舊地重遊,他們選擇到位於日本石川縣的金澤,欣賞古蹟和大自然風景,Jocelyn更意外地與父親陳少琪,在金澤車站舉行了一場小型音樂會。

「嗰朝行去車站,見到一部寫住「回憶之琴」嘅鋼琴,放喺度免費俾人彈,我同爸爸埋去邊彈邊唱歌,雖然觀眾唔多,只有幾位老人家同學生,但呢場即慶mini busking好好玩,我同爸爸玩咗成個鐘先捨得走。」

日本行除了放假充電,其實還有另一個任務,就是與日本音樂人傾談合作大計。「今次放假順道去埋東京開會,希望能成功,好似有咗BB咁,暫時唔講得住,怕佢小氣,但我咁多年學到嘅日文終於大派用場,亦無諗過可以幫到自己嘅事業。」Jocelyn說。

回望整個2018年,入行第二個年頭的Jocelyn,坦言今年做到了「突破自己」的目標,亦作出了很多新嘗試,包括年初剪短頭髮染上藍色推出專輯《黑白彩虹》、為台灣及國內電視劇製作及獻唱劇集歌曲、首次參與巴黎時裝週、為美容品牌創作廣告主題曲、還有演出大型音樂劇《愛在星光里》,總算交出了一張自己滿意的成績表。