• 【患難夫妻晒恩愛】有煙齊齊扯 陳子聰幫何超儀戴溫暖牌
  • 2018-12-07     18,351

 

咦?睇陳子聰咁生猛,仲同超儀一齊係咁扯煙仔。睇黎佢副「計」已經100%復元啦!

前年陳子聰因為肝腸病入院,仲昏迷咗足足六日。超儀當時洗咗千萬醫藥費,保住老公條命,兩公婆都算共過患難。大步檻過之後,休養咗兩年,陳子聰而家睇落仲弗過以前。病發嗰陣嘅大肚腩、甩頭髪,全部bye bye !

呢日見佢地兩公婆撐枱腳吔漢堡飽,見陳子聰大啖大啖咁,似乎好餓下喎!相反,超儀就食得矜持啲啦!食完嘢,兩公婆行去戲院買定飛,沿路不知幾好傾。未夠鐘入場,兩個走去室外地方,扯返啖煙先!唔知係咪驚大風吹親老婆,陳子聰除咗自己條頸巾想幫超儀戴住。不過超儀唔領情,最後都係自己戴返啦! 放完風,兩個就拍住拖去睇戲喇!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app