• 【丁有康脹爆回歸】54歲愛國溫兆倫過億身家 拖細廿年大陸嫩妻返港:做明星太累(足本版)
  • 2018-11-28    

 

呢位脹爆大叔咪《義不容情》嘅丁有康?應該係溫兆倫先至啱,佢話晒係愛國溫,國家乜嘢都好,點解又會帶埋妻女返香港嘅?

喺大陸吸北水吸到發晒福,差啲唔認得得54歲嘅溫兆倫呀!佢帶埋個女去廁所,出返嚟先至當眾抽好條褲,咁豪邁嘅表現,真係好有強國特色喎!

第三任老婆、內地藝人老婆趙庭同樣不拘小節,喺人來人往嘅商場,好自在咁補妝。

溫兆倫錫到個女燶,個女都三歲幾,仲親自餵佢食嘢。反而老婆好他條咁玩手機。

老婆同個女去睇衫,佢就寧願喺餐廳唞唞。佢哋自備購物袋,但收穫唔算太豐富。

老婆細佢廿年,大家唔太多交流,好多時都係老婆自己去買嘢,佢就喺鋪頭外面等。

其實佢憑住《義不容情》、《我本善良》呢啲hit爆嘅大台劇,04年已經全面撤出香港,返大陸搵食。當年佢喺《我本善良》浩南哥嘅角色深入民心,喺大陸有國民初戀呢個朵。咁多年來賺埋唔少,加上做過房地產、髮型連鎖店、飼養龍蝦等生意,身家早已過億。

不過佢話唔准個女踏入娛樂圈,因為「做明星太累了!」佢從小就培養個女學英文,父女之間全用英文交流。

喺大陸賺到咁多錢,又有頭家,難怪佢成日有愛國論,覺得回歸之後終於有國家喎!仲話佢嘅根就喺中國,愛國係中國人應有嘅基礎。抵佢賺北水嘅!

攝錄:陳亦龍

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結 http://bit.ly/next28app