• 【產前晒富貴生活?】栢芝揸2億磚頭坐私人飛機 6月自爆:我一定會再婚(足本版)
  • 2018-12-04     139,118

 

工作量少咗,但反而愈來愈富貴,傳上月25日喺養和,為65歲新加坡富豪秘密生仔嘅栢芝,生活的確有異於常人。

其實今年6月,佢喺好友劉美娟嘅新書《擁有失去》入面,已經放晒聲氣,話明白兩個仔總有一日會長大,自己唔會長期照顧佢哋,所以一定會再婚喎。

劉美娟大讚獨力湊仔嘅栢芝係superwoman,其實佢真係神奇女俠嚟㗎!近年主力拍大陸綜藝節目,對工作都幾揀擇,但富貴程度有增無減。

手上早已有市值約1.5億嘅中半山世紀大廈頂樓連天台,同埋市值約1800萬嘅跑馬地翠景樓。

今年5月再以2500萬,購入康樂園獨立屋;仲落重本豪裝,由今年五月裝修到明年二月。

佢平日主要坐司機車出入,但亦會揸300萬法拉利出巡,之前佢就揸住架開蓬法拉利,喺鬧市邊揸車邊講電話,公然違法,真係唔啱!

出埠就會坐私人飛機,方便佢喺機上敷面膜,認真識歎。佢仲推出自家品牌,賣手表、衫、飾物等等,大計多多。

佢話以往一直只懂付出,現在懂得愛自己多一啲。無論佢個新歡係唔係富豪,相信愈來愈識為自己打算嘅栢芝,都可以繼續富貴落去!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app