• 【獨家見樣I囝囝單眼皮似邊個】余文樂焗半歲B仔食二手煙
  • 2018-12-07     18,033

 

樂仔,做乜喺阿仔面前都咁唔忍得囗呀?之後仲要走去哄阿仔添!睇黎呢個新手爸爸,仲有好多進步空間喎!

上年年尾,余文樂突然宣布做老襯,娶咗皮帶大王千金王棠云。唔夠半年,B仔余初見就出世喇!一路以黎,兩公婆都好小心,冇俾B仔曝過光。

今次终於見到余初見嘅真面目啦!咦?單眼皮嘅!究竟似邊個呢? B仔對眼雖然唔夠Daddy 媽咪咁大咁圓,不過全程都眼仔碌碌,加上兩塊面珠仔肥嘟嘟,都好得意架!

呢日佢地一家三口去完台灣返香港,出閘嗰陣,樂仔負責推住BB車。去到露天地方,樂仔終於忍唔住啦!喺阿仔面前都要扯返支煙先!老公忙住呼吸,Sarah 就負責抱起B仔,跟手再收返埋架BB車。呢頭先丟低支煙頭,樂仔就即刻急不及待抱起B仔,仲要鬼咁肉緊,哄埋阿仔耳邊係咁講嘢。睇佢呢個樣,其實又幾冧,幾有父愛嘅!不過,B仔而家先半歲大,食二手煙始終都唔係咁好嘅!樂仔,下次要心心喇!

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app