• 【扮恩愛做節目】結婚4年後離婚 陳煒:時間耐咗,我好似屋企電器咁放埋一邊(足本版)
  • 2018-12-07     26,970

 

08年,35歲嘅陳煒下嫁比佢細3年嘅台灣富商顏志行,婚後,煒哥一度息影,並移居台灣。

12年,煒哥突然回流,簽約無綫復出幕前,劇集一套接一套,多次傳出婚姻出現危機,但卻被她一一否認。

16年底,煒哥主持飲食節目《煒哥的味道》,到台南拍攝外照時,顏志行親自揸車6小時探班,佢哋喺節目中更夫妻檔下廚,煒哥又以「我丈夫顏先生」介紹顏志行。

直到舊年8月,煒哥被傳媒再問及婚變傳聞,佢突然承認12年回港拍劇時,老公已向佢提出離婚,雙方再見亦是朋友。

講到離婚原因,煒哥表示唔涉及第三者,只係老公太過專注事業,仲話:「時間耐咗,我就好似屋企電器咁放埋一邊,咁做朋友好過做夫妻!大家好似家人咁相處,都唔係壞事!」

雖然婚姻破裂,但煒哥嘅事業穩步上揚,好似今年咁,佢憑《宮心計2之深宮計》太平公主一角成為視后大熱,女人

冇男人唔使愁,煒哥係個好例子。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app