• 【密密做】全年只休息九日 容祖兒明年開巡迴演唱會
  • 2018-12-07     4,316

 


日前,容祖兒飛到上海同成都舉行校園巡迴音樂會。

校園巡迴音樂會第一站喺上海交通大學舉行,當晚祖兒同同學們大談新碟《答案之書》製作嘅心路歷程,特別係呢幾年一直苦練普通話,「既然是國語專輯,就要把國語練好,做宣傳、採訪時,也能把專輯解釋得更清晰,才是對專輯和歌迷最大的尊重。」亦因為呢份尊重,祖兒舊年只係休息咗九日,因為佢覺得:「時間有限,所以只能付出更多才能做得更好。」

巡迴第二站去到成都四川傳媒學院,當講到《長大》呢首歌時,祖兒就話:「我們總以為自己已經長大,然而回頭看,其實很多事情可以處理的更成熟,但人生沒有完美。」對於祖兒嚟講,長大係一件永遠嘅事,學識接受唔完美嘅自己,點樣活得舒服、自在係佢嘅處世哲學。除此之外,祖兒仲透露2019年將會舉行佢入行二十周年世界巡迴演唱會添。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app