• 【係sweet嘅】 鍾欣潼向賴弘國表白:「有你係身邊我好安心」
  • 2018-12-07     6,695

 


阿嬌同未婚夫賴弘國參與嘅國內父母成長觀察實驗節目《爸媽學前班》話咁快去到尾聲,噚日(6日)播出尾二一集,節目入面,阿嬌同賴弘國去到英國百年名校,挑戰以「如何成為更好的父母」為主題嘅演講,同學生們分享作為見習父母嘅收穫。

演講前,阿嬌同賴弘國喺台下忙住準備講稿,雖然佢哋兩個都未做人父母,但係就好認真咁討論點樣分享做見習父母嘅得着。阿嬌有用親身經歷同小朋友講做任何事都唔好輕易放棄,要堅持自己嘅理想。

結束一日嘅遊學後,賴弘國大讚阿嬌嘅表現,仲突然玩起「角色扮演」,以「導演」身份搞笑地訪問阿嬌對今次演講嘅感受,阿嬌坦言賴弘國係一個好好嘅老師,「有你在身邊讓自己安心很多。」隨後,佢哋亦都好認真咁探討點樣成為更好嘅父母。

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app