• 【男友犯咩死罪?】馮盈盈節目上重提舊事 講到火滾反白眼
  • 2019-01-01     27,033

 

有睇開《後生仔傾吓偈》嘅人,就會知道馮盈盈(後稱FYY)經常口沒遮攔。日前,佢又喺節目大爆發,不留情面咁當眾令男友難堪。

節目中,FFY打電話俾男友寶寶,期間FYY講到自己堅持唔送任何聖誕卡、心意卡,仲好惡咁問男友:「你記唔記得點解呀?你自己講啦!」

之後男友答埋啲無關痛癢、似是而非嘅答案,搞到FYY反晒白眼,然後補充:「拍拖第一年無耐我送咗張卡俾佢。我唔鍾意寫千字文,剩係寫應寫嘅嘢,多啲都無,因為我諗住有張卡有禮物好夠啦。點知之後嘈交,佢就拎返張卡出嚟話:『你睇你張卡幾hea!我以前個ex寫成篇文好有心思,完全睇得出由心出發。你嗰啲,feel到你就咁寫10分鍾就俾我啦。』佢仲拎埋張卡俾我睇,所以我發誓唔會再送卡。」

哦,原來寶寶曾經犯咗死罪激嬲FYY,又真係抵打pat pat㗎!不過以前嘅事當眾拎出嚟「鞭屍」,男友都好難堪嘅。不如咁,打和啦好嘛?Super!

相關文章:

【港姐有鋪除衫癮?】親哥爆麥明詩除剩底橫通屋走 馮盈盈連內褲都唔著

http://bit.ly/2Tl1V23