• 《大帥哥》結局前玩餐飽 蔡思貝洪永城聯手撳實激動馬蹄露
  • 2019-01-11    
馬上成為壹會員
會員專區 只限會員閱讀

 

《大帥哥》終於迎嚟結局篇,收視好,一班演員就最高興啦!呢日《壹》仔見到蔡思貝、楊秀惠,譚凱琪一齊食飯,見三位都盛裝打扮,明顯係準備開工。食完野佢哋三個就去咗出面開始拍節目,呢三位大帥哥夫人聚首一堂幫《大帥哥》做結局篇宣傳。拍咗一陣佢哋轉場去AIA嘉年華嘅宣傳活動。除咗三位夫人,洪永城、李嘉等一班主演都到齊,但可惜都係無大帥哥張衛健到場。

成班演員去咗玩攤位遊戲拋圈圈,但成班人起勢咁拋都無個中,渣咗啲喎!扔極都唔中,蔡思貝索性成個桶扔落去,犯規啊。馬蹄露仲激動到要蔡思貝、洪永城撳實,唔俾佢亂嚟。好彩最後都俾譚凱琪扔中咗隻大熊,三個大帥哥嘅情人仲一齊合照。玩完攤位,佢哋轉戰過山車,不過係兒童版個隻囉。雖然係兒童版,一班演員都似乎玩得好開心喎,特別係蔡思貝,不斷大嗌。玩完一輪楊秀惠同蔡思貝兩個扮可愛嘟晒咀咁影埋張相就收工啦!



立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app