• 【用錯成語好尷尬】張智霖PO夫婦合照:「分道揚鑣」 成龍新創成語「目目在歷」
  • 2019-01-10    
馬上成為壹會員
會員專區 只限會員閱讀

 

張智霖同袁詠儀靚靚結婚18年,周不時都會孖住去旅行又會夫婦檔上節目放閃,可以話係模範夫婦。但Chilam突然Po兩公婆嘅合照再講咗句:「在機場,今日分道揚鑣。」分道揚鑣係指兩個人志向,目標唔同而各行各路。張相兩個人笑得開心,唔似係要表達呢個意思啊。所以個Post一出網民都完全無懷疑過兩公婆鬧交或感情生變,而係即刻同Chilam講佢用錯成語,仲成班人一齊研究佢應該用咩成語先啱。

相信Chilam只係想講兩夫婦要飛去唔同地方工作,但就用錯「分道揚鑣」。靚靚都即刻回應佢話:「啊張生,應該係分頭行事。」

其實周不時都有明星用錯成語,之前成龍喺自己嘅新書發佈會將「歷歷在目」,講成「目目在歷」搞到全場大笑。

最近同房祖名傳緋聞嘅歐陽娜娜都曾經想講自己四處奔波好辛苦,但用咗南轅北轍呢個成語,被網民叫佢讀多嘅多啲書。

2007年劉嘉玲曾經喺澳門出席活動,本來係想讚澳門發展好快,同拉斯維加斯有得比,但就用錯面目全非呢個成語。

做明星要俾網民同Fans監視住,真係要好小心,以後出Post前要Proofread減少出錯機會啦,又或者煲返幾集成語動畫廊學下成語囉!



立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app