• 【 哭崩墳前】與羅義陰陽永訣 楊秀惠虐心演繹贏盡網民心
  • 2019-01-10    
馬上成為壹會員
會員專區 只限會員閱讀

 


由張衛健領銜主演的《大帥哥》,踏入結局篇,情節愈趨緊湊,當中艾妞(楊秀惠飾)與羅義(徐榮飾)一段未能開花結果的感情,在錯的時間遇上對的人,那種遺憾感尤其觸動絲打心靈。

日前一幕艾妞哭崩羅義墳前,再狠狠掌摑馬炭(洪永城飾),秀惠獲網民大讚拿揑得恰到好處,表現自如,堪稱入行以來演技代表作。

「妞義」成網民心目中2019最佳螢幕情侶

劇情講述羅義(徐榮飾)為協助狄奇(張衞健飾)逃亡而打暈對方,及後現身細龜(張達倫飾)面前,兄弟行先的羅義拒絕透露狄奇行蹤,最終成為馬炭(洪永城飾)的槍下亡魂;艾妞(楊秀惠飾)得知與羅義天人相隔,頓時傷心欲絕,更在送別摯愛最後一程時哭崩墳前,並狠狠掌摑奸到噴汁的馬炭,直斥對方「唔係人」,連兄弟都不放過!不少觀眾睇完大叫「喊死人」、「心都碎埋」,更有巴打力撐「妞義」是「2019年最佳螢幕情侶」,一眾星級劇迷胡定欣、黃翠如等人亦留言大讚好睇。

對於網友超喜歡「妞義」戀,秀惠坦言自己也超愛。「同徐榮真係好有火花,大家拍攝時邊拍大家都覺得劇本好正,所以唔止鏡頭前,邊睇劇本個心都「拿」住,希望有機會係唔同劇集,又或工作上艾妞同羅義可以再續前緣。」

另憶述狠摑洪永城,秀惠笑言絕無留手:「呢場戲我係好歇斯底里咁喊,拍之前我同洪永城講:『一陣我會企起身摑你。』當導演嗌action,我就企起身鬧佢,然後一巴摑落去,洪永城完全呆咗,佢估唔到我真係打佢、同埋咁大力打落去……拍完之後先發現洪永城塊面紅晒,我即時同佢道歉。但洪永城就都摸住塊面同我講:『做得好好呀,我都真情流露。』搞到我都唔好意思。」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結: http://bit.ly/next28app

+4