• 【Youtube Channel撈得掂】陳智燊離開大台行親民 出手氹集郵Fans
  • 2019-02-05     21,313

 

陳智燊同宋熙年嘅囝囝Damon,眼大大好可愛,而家5個月大嘅Damon仲係單眼皮,唔似Jason同Sarah有咁深雙眼皮,不過先5個月大啫,遲下會愈大愈似父母。雖然囝囝仲細,但兩公婆都要放假休息吓。呢日佢哋同朋友飲嘢聚舊,見Jason講到皺晒眉頭咁,好似好多苦水要吐喎。同朋友影埋張相,兩公婆就手拖手去行街啦。先入咗第一間舖啫,就已經有Fans認出佢兩個,兩公婆都好Nice咁同對方傾咗陣,又同佢哋合照,有求必應。影完相兩公婆再慢慢行街,行足咁耐,兩個隻手幾乎無甩過。就算睇衫放開咗,一出舖頭都會自動自覺拖返實,好恩愛㗎!Sarah去洗手間,Jason企喺出面等時,又被一家人認出,仲逐個同佢合照,Jason照舊無托手踭,搭住佢哋膊頭兼自己揸機合照。咁睇嚟雖然Jason離開咗大台,但人氣都完全無受影響,反而更受歡迎,證明佢哋個Youtube channel好成功啊!



立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app