登入
  • 【農夫C君求婚成功】陸永身教做模範老公 俾老婆Reina整蠱無聲出
  • 2019-02-09    

 

陸永同老婆Reina 結婚8年,感情無變淡不特只,仲愈嚟愈Sweet。兩公婆嘅兩個寶貝女又靚又可愛,好多網民都好鍾意睇佢哋嘅生活片,特別係細女Sim Sim遺傳晒陸永嘅幽默細胞。再咁落去兩個女嘅人氣分分鐘仲勁過陸永啊。不過點都好一家四口Keep住咁溫馨,可以話係模範家庭。

呢日兩公婆帶住細女SimSim出街,但唔見大女Hannah。雖然要湊住Sim Sim,但打情罵俏都少不了嘅,行行下Reina將身上嘅垃圾扔落陸永頂帽,但陸永竟然傻更更咁發現唔到。見陸永手上拎住袋菜,應該係啱啱買完餸,經過間家居用品店佢哋停低望咗眼就過隔離攞車。但見到隔離有架車頂住,陸永睇嚟有啲無奈,好彩個司機好快就嚟咗揸走架車。不過估唔到竟然係由老婆揸車,Sim Sim坐副駕駛座,而陸永坐去後面喎。睇嚟Reina揸車信得過啊!



立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app