• 【香港過半退休生活】75歲夏雨流連生果檔 左揀右揀買梳蕉
  • 2019-02-08    

 

自從播完《溏心風暴3》後,觀眾都好耐無見過夏雨嘅身影啦。而家75歲嘅佢雖然身體仲係好健康,但咁大年紀,當然唔洗再出嚟捱,留返啲時間養下老,享受下半退休生活不知幾寫意。過住半退休生活嘅夏雨同一般阿伯無乜分別,呢日《壹》仔見到佢一支公去買生果。佢喺生果檔行嚟行去,又逐個生果都摸下,似乎心大心細,未諗到買咩好。之後同生果檔阿姐傾咗陣,先求其買咗梳蕉同兩個芒果開車走人。雖然佢已經過緊半退休生活,但其實嚟緊3月,佢會有舞台劇演出。觀眾仍然有機會睇佢做戲。

其實夏雨嘅家人大多都喺加拿大生活,但夏雨而家仲留喺香港,一來可以陪下阿仔黃奕晨,一來自己仍然想做戲 。相信到佢返番加拿大生活,先算真正退休!

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app