• 【每日壹爆|沙膽本色】直擊純官倫敦千億押重注 相等新世界市值
  • 2019-02-09    

 

英國脫歐仍未有方案,最關心嘅可能係新世界主席鄭家純-純官。因為佢落左成千億重注去英國嘅地產項目;香港嘅有錢佬近幾年投資英國嘅磚頭,都係小試牛刀,最多都係幾億港銀到幾十億,買幢物業收吓租,講到英國地產大好友,要數新世界主席鄭家純-純官。2012年英國經濟低迷﹐經濟零增長,佢就以私人錢包斥資4.8億英鎊,係倫敦泰晤士河畔嘅新 開發區Greenwich Peninsula買入60%權益,一年之後再向英國地產商Quintain掃埋餘下既40%,可以講人棄我取,是關呢個新開發區遠離傳統市中心,並非英國置業人士杯茶,純官今鋪如此沙膽,事關食過番尋味。

鄭家喺英國地產過去已贏過好幾鋪,02年彤叔亦同樣以私人錢包周大福名義斥資$12億英鎊,買入倫敦Harrod百貨公司附近Knightsbridge一塊豪宅地皮,發展為超級豪宅,搵左馬主兼律師出身嘅李耀湘(Sammy Lee)及Foster Team則樓合作,將地皮發展為全英國最高級住宅物業,豪宅建成後獲得唔少新發彩嘅中東及俄羅斯油王追捧,每呎賣四萬蚊港元 。 之前亦都收購左英國萬麗酒店,後來11年收購高級酒店品牌Rosewood,家陣倫敦Rosewood酒店亦都係屬於鄭家私人資產。

小宗實地視察純官這個大project,已經有好幾座住宅物業落成,部份鄰近泰晤士河既碼頭,可以坐條渡輪去金絲雀碼頭 Canary Wharf 或者 Big Ben,附近仍然有一大片土地有待開發,預計有15000個單位每個單位最少賣 600-700萬港元,整個項目成千億元,相等於新世界(17)嘅市值,不過咁正咁筍嘅項目,點解唔放入上市公司同小股東分享成果呢?

撰文:宗菁華

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app