• 【飛來蜢直言:需要乜都可提供】劉公子擺甫士 有型男專門服侍
  • 2019-02-18     21,850

 

人稱劉公子嘅富商劉定成,人人都知佢係同性戀,2012年更因娛圈男藝人裸照案,而被判監17個月。經歷過食唔飽、瞓唔安嘅鐵窗生活,劉公子消瘦四十幾磅。

刑滿出獄後,身邊繼續有唔同型男陪佢行街shopping,《壹》仔就見到佢同個留鬚靚仔行商場,劉公子見啲新年裝飾靚,仲擺晒甫士留影添,而個靚仔都不知幫佢影得幾省鏡!

雖然身邊男士車輪轉,但劉公子曾自認睇得通透,知道某啲人埋自己身係另有目的。「他志在的是現金,志在我身邊的朋友,能夠介紹給他認識。」劉公子更曾向《壹》仔透露,連已婚男都會主動埋身獻殷勤:「有一位已婚男士,年紀廿多歲,陪我去養和醫院看醫生,陪我跑步,日日陪我飲茶,投其所好啦。」有時仲over到直接話:「你需要啲乜嘢,我都可以提供㗎。」

劉公子需要啲乜就唔知喇,不過對方想要啲咩,劉公子好清楚:「很多男士明明喜歡女性,但都會找我,因為他等錢使。他有日突然告訴我,我們連朋友都做不了,因為他發現找不到著數,於是不想浪費時間,趕快走人。」

立即下載《壹週刊》Apps,隨時隨地睇盡時政專題、深度偵查、娛樂熱話!按此連結: http://bit.ly/next28app