• 【離巢消息一出 工作即接踵而至】蓋世寶獲音樂監製、歌手邀唱兒歌
  • 2019-02-13    

 

Lulu姐姐蓋世寶效忠大台23年,換嚟續約條件係減三分一人工。不過,蓋世寶話大台對佢唔差,明白公司有公司制度:「因為成績表問題,係我做唔夠騷。曝光率低,人哋諗唔起你,工作量自然亦會低。其實好多年前開始,啲人已經以為我無做。」

真係好似蓋世寶所諗咁樣,啲人諗佢唔起?實情係佢決定離開大台消息傳出後,工作機會立即接踵而至,例如近日有個全港兒童天才表演比賽「小明星練習生」,蓋世寶就被邀請擔任評判。亦由於同場其他評判分別為歌手何弘軒、音樂監製張家誠,佢哋一見到童年回憶Lulu姐姐,立即計畫同佢合作兒童歌舞劇。誠如何弘軒所講:「好多人都係由細睇住Lulu姐姐大,係一個回憶,好多人都想多啲見到佢現身幕前。」

啱呀!LuLu姐姐歷經《閃電傳真機》、《至Net小人類》同《放學ICU》三代兒童節目,足足18年,係繼譚玉瑛姐姐之後,主持兒童節目最耐嘅一位。佢唱過嘅兒歌,《生命有價》、《小司機Noddy》、《魔法小美穗》等等,就算唔記得歌詞都仲識哼。第時兒童歌舞劇公映,話唔定係年輕家長踴躍過啲小朋友呀!

立即下載《壹週刊》Apps,隨時隨地睇盡時政專題、深度偵查、娛樂熱話!按此連結 http://bit.ly/next28app